युइएफए नेसन्स लिगको पहिलो खेलमा नेदरल्यान्डले पोल्यान्डमाथि जित निकालेको छ । शुक्रबार राति भएको खेलमा भएकाे खेलमा नेदरल्यान्डले पोल्यान्डमाथि १-० गाेल अन्तरले जित हात पारेको हो ।
नेदरल्यान्डलाई कठिन जित दिलाउनकाे लागि स्टेभेन बेर्गविजनले गाेल गरे । उनले ६१ औं मिनेटमा हान्स हाटेबोइरको पासमा गरेकाे गाेल नै निर्णायक बन्यो । प्रिमियर लिगमा टोटनह्यामबाट खेल्ने स्टेभेनको यो पहिलो अन्तर्राष्ट्रिय गोल हो ।
खेलको शुरुवातदेखि नै पोल्यान्डलाई दवावमा राखेको हल्यान्डले गोलको लागि दोस्रो हाफ नै कुर्नुपरेको थियो ।
यही समूहको अर्काे खेलमा इटली बोस्निया एन्ड हर्जगोभिनासँग १–१ गोलको बराबरीमा रोकिएपछि नेसन्स लिगको समूह ‘ए’ को ४ मा रहेको नेदरल्यान्ड ३ अंक जोडेर शीर्षस्थानमा रहेको छ । बोस्निया दोस्रो, इटली तेस्रो तथा पोल्यान्ड पुछारमा छ ।
